नेकपा एसमा ३०१ सदस्यीय केन्द्रीय समिति, यस्तो छ सांगठनिक संरचना – Nepal Press

नेकपा एसमा ३०१ सदस्यीय केन्द्रीय समिति, यस्तो छ सांगठनिक संरचना

काठमाडौं । नेकपा एकीकृत समाजवादीले पहिलो केन्द्रीय कमिटी बैठकमार्फत पार्टीको सांगठनिक संरचनालाई मुर्तरूप दिएको छ । बैठकले आगामी तीन महिनाको कार्ययोजनासमेत तय गरेको सचिव जगन्नाथ खतिवडाले जानकारी दिए ।

पार्टीले केन्द्रीय समितिबाहेक सबै तल्ला कमिटीहरूमा दुई उपाध्यक्षको प्रावधान तय गरेको छ । पार्टीमा पूर्ण र वैकल्पिकसमेत गरी ३०१ सदस्यीय केन्द्रीय सदस्य रहनेछन् । यस्तै, पोलिटब्यूरो ७१ सदस्यीय र स्थायी समिति ३५ सदस्यीय हुनेछ । पार्टीले ७०१ सदस्यीय केन्द्रीय परिषद्समेत निर्माण गर्ने भएको छ ।

पार्टीका विभागहरू २५ सदस्यीय हुने र १५१ सदस्यीय सल्लाहकार समिति गठन हुने पनि सचिव खतिवडाले जानकारी दिए ।
पार्टीले हरेक कमिटीमा महिलाहरूका लागि एक तिहाई र युवाहरूलाई ४० प्रतिशतको सेरोफेरोमा व्यवस्थापन गर्ने खतिवडाले बताए ।

नकपा एसले ३ महिनाको तत्कालीक कार्ययोजनासमेत बनाएको छ । यसमा दक्षिणपन्थी अवसरवाद र विसर्जनवादको भण्डाफोर गर्नेदखि वडासम्म संगठन विस्तार गर्नेसम्मका योजना रहेका छन् ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर