नेकपा एसको निर्णयः एमसीसी यथास्थितिमा पारित गर्न सकिँदैन

काठमाडौं । नेकपा एकीकृत समाजवादीले अमेरिकी सहायता परियोजना (एमसीसी) आजकै अवस्थामा पारित गर्न नसकिने निर्णय लिएको छ । पार्टीको आज सम्पन्न पहिलो केन्द्रीय समिति वैठकले सो निर्णय लिएको हो ।

एमसीसी राष्ट्रिय हित अनुकूल नभएकाले आजकै अवस्थामा पारित गर्न नसकिने सचिव जगन्नाथ खतिवडाले बताए ।

‘राष्ट्रिय हितअनुकूल बनाएर राजनीतिक सहमति कायम गरेर मात्र अघि बढ्न सकिन्छ,’ निर्णय सुनाउँदै उनले भने, ‘अन्यथा आजकै अवस्थामा पारित गर्न सकिँदैन ।’

सचिव खतिवडाले केन्द्रीय समिति वैठकपछि अब सरकारमा जाने कुरालाई पार्टीले प्राथमिकतामा राख्ने बताए ।