मेलवर्नसहित दक्षिण पूर्वी अस्ट्रेलियामा भूकम्पको धक्का
नेपाल प्रेस
२०७८ असोज ६ गते ६:५६
एजेन्सी । अस्ट्रेलियाको राजधानी मेलवर्न शहरसहित दक्षिण पूर्वी क्षेत्रमा ६ म्याग्निच्युडको भूकम्प गएको छ । स्थानीय समय अनुसार बुधबार विहान सवा ९ बजे मेलवर्न नजिकै मेन्सफिल्ड क्षेत्रलाई केन्द्र बनाएर भूकम्प गएको हो ।
सामाजिक सन्जालमा पोष्ट गरिएका भिडियोहरुमा घरहरु क्षति भएको देखिएको छ । तर अहिलेसम्म मानवीय हताहतीको समाचार सार्वजनिक भएको छैन ।
भूकम्प गएको क्षेत्रमा अध्ययन तथा वैदेशिक रोजगारीका लागि अस्ट्रेलियामा रहेका ठूलो संख्याका नेपालीहरु पनि बस्छन् ।
अस्ट्रेलियाको सरकारी भूकम्प मापन केन्द्रका अनुसार जमिनको १० किलोमिटर तलबाट प्लेटहरु हल्लिएका थिए ।
भिक्टोरिया राज्यको आपतकालीन सेवाले राज्यका सबै नागरिकले झड्का महशुस गरेको बताएको छ । उसले सुनामीको कुनै खतरा नरहेको भन्द्र ट्वीट गरेको छ ।
नेपाल प्रेस
प्रकाशित: २०७८ असोज ६ गते ६:५६
प्रतिक्रिया
सम्बन्धित खवर
