मंगलबार १३ सय कोभिड संक्रमित थपिए, ५ जनाको मृत्यु – Nepal Press

मंगलबार १३ सय कोभिड संक्रमित थपिए, ५ जनाको मृत्यु

१८ सय संक्रमणमुक्त

काठमाडौं । पछिल्लो २४ घण्टामा मंगलबार देशभर १३ सय ३० जना कोभिड संक्रमित थपिएका छन् । १३ हजार ६२२ जनाको कोरोना परीक्षण गर्दा पीसीआर विधिबाट ९६२६ तथा एन्टिजेन विधिबाट३९९६ जनामा संक्रमण पुष्टि भएको हो ।

सोही अवधिमा थप १८ सय ३० जना निको भएका छन् भने ५ जनाको मृत्यु भएको छ । गत २४ घण्टामा ५५ हजार २४२ जनाले कोभिड–१९ विरुद्धको खोप लगाएका छन् ।

मन्त्रालयका अनुसार हालसम्म मुलुकमा २१ हजार ५२४ जना सक्रिय संक्रमित छन् ।

नेपालमा कूल ७ लाख भन्दा बढी कोरोनाभाइरस संक्रमित छन् भने ११ हजार ५३ जनाले ज्यान गुमाएका छन् ।

अहिलेसम्म आईसीयूमा ३३५ जना, भेन्टिलेटरमा १०७ जना, होम आइसोलेशनमा २०,१६४ जना, संस्थागत आइसोलेशनमा १,३६० र क्वारेन्टाइनमा २५० जना रहेको तथ्यांकमा उल्लेख छ ।

मन्त्रालयको अनुसार नेपालमा कोरोनाभाइरसको संक्रमणदर ९.७ प्रतिशत छ भने मृत्युदर १.४ प्रतिशत छ । मुलुकमा निको हुनेको दर ९५.९ प्रतिशत छ ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर