बालबालिकाले टीकटकमा ४० मिनेट मात्र बिताउन पाउने, चीनदेखि सुरु भयो नयाँ नियम – Nepal Press

बालबालिकाले टीकटकमा ४० मिनेट मात्र बिताउन पाउने, चीनदेखि सुरु भयो नयाँ नियम

बेइजिङ। लोकप्रिय चिनियाँ एप टीकटकले अब बालबालिकाले आफ्नो प्लेटफर्मलाई ४० मिनेट मात्र चलाउन पाउने प्रावधान ल्याउने भएको छ । सो एपले ‘युथ मोड’ राखेर बालबालिकालाई बढी समय बिताउन नदिने जनाएको छ ।

विश्वव्यापीरुपमा यो प्रावधान लागू गर्ने तयारीमा टीकटक रहेको अन्तर्राष्ट्रिय संचारमाध्यमले जनाएका छन् । तर, यसको सुरुआत चाहिँ आफ्नै मुलुक चीनदेखि टीकटकले थालेको छ ।

अबदेखि चीनमा १४ वर्षभन्दा कम उमेरका प्रयोगकर्ताले दिनमा ४० मिनेटभन्दा बढी टीकटक चलाउन पाउने छैनन् । कम्पनीले बालकालिकालाई रातको १० बजेदेखि विहान ६ बजेसम्म टीकटक हेर्नसमेत नपाउने बनाएको छ ।

साथै टीकटक अकाउन्ट खोल्दा आधिकारीक विवरण राख्न कम्पनीले आग्रह समेत गरेको छ । कम्पनीले प्रयोगकर्ताको उमेरका आधारमा उक्त फिचर ‘अन’ गरिदिने छ र अभिभावकले पनि फिचर एक्टिभेट गर्नसक्ने छन् ।

बालबालिकालाई टीकटकमा नियन्त्रण चिनबाट सुरु गरिएको छ । साथै यो फिचर अन्य देशमा पनि उपलब्ध गराउने कम्पनीले बताएको छ ।

प्रतिक्रिया

Leave a Reply

Your email address will not be published. Required fields are marked *