सोमबार १ हजार कोभिड संक्रमित थपिए, ८ जनाको मृत्यु – Nepal Press

सोमबार १ हजार कोभिड संक्रमित थपिए, ८ जनाको मृत्यु

२ हजार जना डिस्चार्ज

काठमाडौं । पछिल्लो २४ घण्टामा सोमबार देशभर १ हजार ९५ जना कोभिड संक्रमित थपिएका छन् । १३ हजार ८१७ जनाको कोरोना परीक्षण गर्दा पीसीआर विधिबाट ९७५ तथा एन्टिजेन विधिबाट १२० जनामा संक्रमण पुष्टि भएको हो ।

सोही अवधिमा थप २ हजार ९५७ जना निको भएका छन् भने ८ जनाको मृत्यु भएको छ । गत २४ घण्टामा २२ हजार १९२ जनाले कोभिड–१९ विरुद्धको खोप लगाएका छन् ।

मन्त्रालयका अनुसार हालसम्म मुलुकमा २२ हजार ३२३ जना सक्रिय संक्रमित छन् ।

नेपालमा कूल ७ लाख भन्दा बढी कोरोनाभाइरस संक्रमित छन् भने ११ हजार ४८ जनाले ज्यान गुमाएका छन् ।

अहिलेसम्म आईसीयूमा ३७१ जना, भेन्टिलेटरमा १०८ जना, होम आइसोलेशनमा २०,८९१ जना, संस्थागत आइसोलेशनमा १,४३२ र क्वारेन्टाइनमा २६४ जना रहेको तथ्यांकमा उल्लेख छ ।

मन्त्रालयको अनुसार नेपालमा कोरोनाभाइरसको संक्रमणदर ७.९ प्रतिशत छ भने मृत्युदर १.४ प्रतिशत छ । मुलुकमा निको हुनेको दर ९५.८ प्रतिशत छ ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर