कमेडी च्याम्पियन विजेता भरतमणीलाई योगेशले गरे एक लाख सहयोग


काठमाडौं । कमेडी च्याम्पियन सिजन २ का विजेता भरतमणी पौडेललाई प्रतिनिधिसभा सदस्य तथा पूर्वमन्त्री योगेश भट्टराईले एक लाख रुपैयाँ सहयोग प्रदान गरेका छन् ।
कमेडी च्याम्पियन सिजन–२ को विजेता घोषणा गरिएका पौडेललाई एक लाख बराबरको चेक हस्तान्तरण गरेका छन् । भट्टराईले प्रतिस्पर्धाकै क्रममा रहँदा पौडेललाई एक लाख रुपैयाँ व्यक्तिगत रूपमा सहयोग दिने आश्वासन दिएका थिए । आफ्नो जिल्लाबाट कलाकारिता क्षेत्रमा अघि बढेका पौडेललाई प्रोत्साहन गर्न उक्त सहयोग प्रदान गरेको भट्टराईले बताएका छन् ।
ताप्लेजुङको फुङ्लिङ नगरपालिकास्थित दोखु घर भएका पौडेललाई विजेता बनेकोमा बधाइ तथा शुभकामना दिँदै भट्टराईले कलाकारिताको क्षेत्रबाट जिल्लाको पहिचान र गरिमा बढाउन पौडेलद्वारा सहयोग पुग्ने विस्वास व्यक्त गरे ।