सातजना बालबालिका मारिने काबुल ड्रोन आक्रमणलाई लिएर अमेरिकाले माग्यो माफी – Nepal Press

सातजना बालबालिका मारिने काबुल ड्रोन आक्रमणलाई लिएर अमेरिकाले माग्यो माफी

काबुल । नौ जना सर्वसाधारणको ज्यान जाने गरी काबुलमा आफूले गरेको ड्रोन आक्रमणप्रति अमेरिकाले माफी मागेको छ । अमेरिकी केन्द्रिय कमान्डका प्रमुख केनिज मेकिन्जीले उक्त आक्रमणमा इस्लामिक स्टेटका सदस्य मारिने सम्भावना नरहेकाले उक्त घटना गल्तीस्वरुप भएको बताएका छन् ।

काबुल विमानस्थलमा हुनसक्ने सम्भावित हमलालाई निस्तेज पार्न यो हमला भएको भएपनि यो एउटा गल्ती भएको र आफूले यसका लागि क्षमा माग्ने मेकेन्जीको भनाई छ । अमेरिकाले उक्त ड्रोन हमलाबाट विमानस्थलमा हुनसक्ने आक्रमणलाई रोकेको बताउँदै आएको थियो ।

१३ जना अमेरिकी सेनासहित १६३ जना अफगानीको ज्यान जानेगरी काबुल एयरपोर्टमा भएको विस्फोटपछि अगस्ट २७ तारिखमा अमेरिकी सेनाले ड्रोन आक्रमण गरेर इस्लामिक स्टेटका २ जनालाई मारेको दावी गरेका थिए ।

त्यसको २ दिनपछि अगस्त २९ मा अमेरिकाले काबुलमा अर्को ड्रोन आक्रमण गरेर सम्भावित आक्रमणलाई टारेको दावी गरेको थियो । पेन्टागनले अर्को बम आक्रमण रोक्न सफल भएको बताएपनि अगस्ट २९ को हमलामा आइएसआईका कोही सदस्य नरहेको बरु निशानामा सर्वसाधारण परेको पुष्टी गर्ने प्रमाणहरु बाहिर आएका थिए ।

उक्त हमलामा ९ जना सर्वसाधारण मारिएको पुष्टि भएको थियो । त्यहाँ आइएसआईका सदस्यहरु नै नरहेको तथा सर्वसाधारण जेमारी अहमादी र उनका ९ जना परिवारका सदस्यहरु मारिएको पुष्टि भएको थियो । मारिनेहरुमा ७ जना बालबालिका थिए ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर