काठमाडौंमा आज मनाइयो द मिल दिवस
काठमाडौं । नेपालमा आज द मिल दिवस मनाइएको छ । काठमाडौंको राजधानीस्थित भूमी घरमा आत्मनिर्भर केन्द्रले आज दिवसको आयोजना गरेको हो ।
सन् १९९९ देखि हरेक सेप्टेम्बरमा विश्वभरी द मिल दिवस मनाइँदै आएको छ ।
अभियानमा मानिसहरु जम्मा भएर अर्गानिक खाना खाने र खाना खाए वापत इच्छाअनुरुप पैसा सहयोग गर्ने परम्परा छ । यसरी उठेको रकम कुनै खास कामको लागि उपयोग गरिन्छ ।
कार्यक्रममा खाना र खेतीपातीबारे छलफल भएको थियो । कार्यक्रममा संकलित रकम धनुषास्थित धनौजी गाउँपालिका अन्तर्गतको धनौजी गाउँका हरवाचरवा परिवारको बालिकाको शिक्षामा उपयोग गरिने भएको छ ।
यो अभियान नेपालमा आत्मनिर्भर केन्द्रले विगत ५ वर्षदेखि आयोजना गर्दै आएको छ ।