वेद र बाइबलमा महिलाको भूमिकामाथि राजदूत पराजुलीकाे विद्यावारिधी

काठमाडौं । ओमानका लागि नेपाली राजदूत शर्मिला ढकाल पराजुलीले वेद र बाइबलमा महिलाको भूमिकाको विषयमा अनुसन्धान गरी विद्यावारिधी प्राप्त गरेकी छन् ।

हिन्दू महाग्रन्थ वेद र इशाइको ग्रन्थ बाइबलमा महिलाको भूमिकाको सन्दर्भलाई उनले आफ्ना विद्यावारिधीको विषय बनाएकी थिइन् । नेपाल संस्कृत विश्वविद्यालयबाट उनले सो उपाधी प्राप्त गरेकी हुन् ।

उनको विद्यावारिधीको शीर्षक Representation of women in the Veda & the Bible : A comparative Study Ph.D in English Philosophy थियो ।

वेद र बाइबलमा महिलाको भूमिकाको सन्दर्भमा पीएचडी गर्ने सम्भवतः उनी पहिलो हुन् । चार वर्षे कार्यकाल सकिए पनि सरकारले उनलाई अर्को व्यवस्था नभएसम्म ओमानको राजदूत कायमै राखेको छ ।