बाइडेनले वासिङटनमा बोलाए क्वाड बैठक : मोदी, सुगा र मरिसन अमेरिका जाँदै – Nepal Press

बाइडेनले वासिङटनमा बोलाए क्वाड बैठक : मोदी, सुगा र मरिसन अमेरिका जाँदै

वासिङ्टन । अमेरिका, भारत, जापान र अष्ट्रेलियाको संगठन क्वाडको बैठक सेप्टेम्बर २४ मा ह्वाइट हाउसमा बस्ने भएको छ । ह्वाइट हाउस प्रवक्ता जेन साकीले विज्ञप्ति जारी गर्दै अमेरिकाले क्वाड सम्मेलन आयोजना गर्न लागेको जानकारी दिइन् ।

सम्मेलनमा भाग लिन भारतीय प्रधानमन्त्री नरेन्द्र मोदी, अष्ट्रेलियाली प्रधानमन्त्री स्कट मरिसन र जापानी प्रधानमन्त्री योसिहिदे सुगा वासिङ्टन जाने भएका छन् ।

गतवर्ष यी चार मुलुकलाई समेटेर क्वाड्रिलेटरल सेक्युरिटी डायलग गठन भएको थियो र सोही वर्ष भर्चुअल बैठक पनि बसेको थियो । ‘क्वाडका नेताहरुलाई ह्वाइट हाउसमा स्वागत गर्नुले एसिया प्रशान्त क्षेत्रमा बाइडेन–ह्यारिस प्रशासनको प्राथमिकतालाई देखाउँछ’ साकीद्धारा जारी विज्ञप्तिमा उल्लेख छ ।

क्वाड नेताहरुले आपसी सम्बन्ध, कोभिड-१९ महामारी नियन्त्रण, जलबायु परिवर्तन, प्रविधि र साइबर स्पेसमा सहकार्य तथा खुला तथा स्वतन्त्र दक्षिणपूर्वी एसिया बनाउन छलफल गर्ने जनाइएको छ ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर