अर्थमा रोकिएन सहसचिव सरुवा, दीर्घराज मैनालीलाई तालिम केन्द्र पठाइयो – Nepal Press

अर्थमा रोकिएन सहसचिव सरुवा, दीर्घराज मैनालीलाई तालिम केन्द्र पठाइयो

काठमाडौं । अर्थमन्त्री जनार्दन शर्माले पुराना सहसचिव सरुवाको क्रमलाई जारी राखेका छन् । विचार नमिलेकै कारण ‘पन्छाउने’ क्रममा पछिल्लोपटक मन्त्रालयको वित्तीय क्षेत्र तथा संस्थान समन्वय महाशाखाका प्रमुख दीर्घराज मैनालीलाई सरुवा गरिएको छ ।

मैनालीलाई सार्वजनिक वित्त व्यवस्थापन तालिम केन्द्र पठाइएको छ । उनको स्थानमा रमेश केसीलाई ल्याइएको छ ।

तालिम केन्द्र अर्थमन्त्रालय अन्तर्गतकै एक विभाग हो । तालिम केन्द्रका तत्कालीन प्रमुख बाबुराम भण्डारीको ऊर्जा मन्त्रालयमा सरुवा भएपछी मैनालीलाई रिक्त स्थानमा पठाइएको हो ।

अर्थमन्त्री शर्माले पुराना सहसचिवहरुलाई मन्त्रालयबाट सरुवा गर्दै बाहिरबाट जनशक्ति ल्याइरहेका छन् । आन्तरिक राजस्व विभाग र भन्सार विभागका महानिर्देशकहरुलाई मन्त्रालयमा तानेर भूमिकाविहीन बनाइएको छ । यसअघि बजेट प्रतिस्थापन विधेयक तयारीको क्रममा ओली सरकारको बजेट निर्माणमा संलग्न कोर टिमा रहेका केही सहसचिवहरूलाई पनि सरुवा गरिएको थियो ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर