एमालेले कारवाही गरेका १४ सांसदको सूचना टाँस गरे सभामुखसँग संवाद हुन सक्छ : सुवास नेम्वाङ – Nepal Press

एमालेले कारवाही गरेका १४ सांसदको सूचना टाँस गरे सभामुखसँग संवाद हुन सक्छ : सुवास नेम्वाङ

काठमाडौं । प्रमुख प्रतिपक्षी नेकपा (एमाले) संसदीय दलका उपनेता सुवास नेम्वाङले आफूहरूले कारवाही गरेका सांसदको सूचना टाँस गरे सभामुखसँग संवादको वातावरण बन्ने बताएका छन् ।

प्रतिनिधिसभाको आइतबारको बैठकपछि संसद भवन परिसरमा पत्रकासँग कुरा गर्दै नेम्वाङले १४ जनालाई कारवाही गरेको सूचना टाँस गरे संवादको वातावरण बन्ने बताए । अहिले पनि सूचना टाँस गर्न मिल्छ र ? भन्ने पत्रकारको प्रश्नमा नेम्वाङले भने- ‘मिल्छ । नेपालमा कस्ता-कस्ता काम त भइरहेका छन् भने कानूनबमोजिमको यो काम किन गर्न मिल्दैन ।’

आफूहरूले माधव नेपालसहित कारवाही गरेका १४ सांसदको सूचना सभामुले टाँस नगरेर एमाले विभाजनको सहयोगी भएको भन्दै एमालले निरन्तर संसद अवरुद्ध गरिरहेको छ । एमालेबाट विभाजित भएर गएका एकीकृत समाजवादीका सांसदलाई गैरसांसद भन्दै एमालले सदनमा नाराबाजी गर्ने गरेको छ।

सभामुख अग्नि सापकोटाले एमालेले कारवाही गरेका सांसदको सूचना टाँस गर्न ढिलाइ गरेका थिए । एमाले विभाजित भएर नयाँ दल बनिसकेपछि भने कारवाहीको औचित्य सकिएको भन्दै सूचना टाँस नगर्ने निर्णय लिएका थिए ।


प्रतिक्रिया

2 thoughts on “एमालेले कारवाही गरेका १४ सांसदको सूचना टाँस गरे सभामुखसँग संवाद हुन सक्छ : सुवास नेम्वाङ

  1. प्रचण्डको ईसारा विना निदाउन पनि नसक्ने लठैट व्यक्ति सभामुख बनेपछिको परिणाम देखिन शुरू भएको हो !

  2. संसद चलेकाे बेला संसदमा सुनाउने,
    संसद नचलेकाे बेला सुचना पार्टीमा टाँस गर्ने हाे,
    झण्डैको स्थाइ सभामुख सुचनेले यति कुरा कसरी बिर्सिएको ?

Leave a Reply to भक्तमान कार्की Cancel reply

Your email address will not be published. Required fields are marked *

सम्बन्धित खवर