मल्टिस्टारर ‘लप्पन छप्पन २’ शिवरात्रीमा रिलिज हुने – Nepal Press

मल्टिस्टारर ‘लप्पन छप्पन २’ शिवरात्रीमा रिलिज हुने

काठमाडौं । मुकुन्द भट्टको निर्माण तथा निर्देशन रहेको मल्टिस्टारर फिल्म ‘लप्पन छप्पन’को दोस्रो सिक्वेल आगामी शिवरात्रीमा प्रदर्शन हुने भएको छ । निर्माताले फागुन १३ गते प्रदर्शन मिति घोषणा गरेका हुन् ।

कोरोना महामारीको कारण पटक-पटक प्रदर्शन मिति घोषणा गरेको फिल्मले पुनः नयाँ मिति सार्वजनिक गरेको हो । ‘एक किसिमको जोखिम लिएर हामीले शिवरात्रीको अवसरमा फिल्म रिलिज गर्ने निधो गरेका छौं’ नेपाल प्रेससँग निर्देशक भट्टले भने ।

शिव श्रेष्ठ, सौगात मल्ल, अर्पण थापा, अनुपविक्रम शाही, प्रकाश कुँवर, दीपक क्षेत्री, सरिता गिरी लगायतको मुख्य भूमिका छ । यो ग्याङस्टार फिल्मले अपराध रोक्न चलाइएको मिसनको कथा भन्छ ।

यो फिल्मबाट केरोलिन कोलिन्डा, सुपर गुरुङ, आना ढकाल, सिर्जना सिना, रन्जीत वन्त लगायतले डेब्यु गर्दैछन् । यसअघि आगामी चैत २७ गते रिलिज गर्ने भनिएको फिल्म प्रिपोन्ड भएर अघि आउन लागेको हो । सो मितिमा ए मेरो हजुर ४ आउने भएपछि लप्पन छप्पन २ ले शिवरात्री रिलिज रोजेको हो ।


प्रतिक्रिया

Leave a Reply

Your email address will not be published. Required fields are marked *