देश छाडेर भागेका अफगानिस्तानका पूर्वराष्ट्रपति घानीले मागे माफी, पैसा लिएर भागेको आरोपको खण्डन – Nepal Press

देश छाडेर भागेका अफगानिस्तानका पूर्वराष्ट्रपति घानीले मागे माफी, पैसा लिएर भागेको आरोपको खण्डन

काठमाडौं । अफगानिस्तानका पूर्वराष्ट्रपति अशरफ घानीले देश छाडेर भाग्नु आफ्नो नियत नभएको भन्दै अफगानी जनतासँग माफी मागेका छन् । तालिबान राजधानी काबुल प्रवेश गर्दै गर्दा आफू देश छाडेर भाग्नुको कारणबारे उनले बुधबार विज्ञप्तिमार्फत जानकारी गराएका छन् ।

दुई पटक राष्ट्रपति बनिसकेका घानीले अफगानिस्तानका जनतालाई छाडेर जाने आफ्नो नियत नभएको तर ६० लाख मानिस बसोबास गर्ने राजधानी काबुलमा हिंसा नहोस् भन्ने चाहेको विज्ञप्तिमा उल्लेख गरेका छन्।

अफगान राज्यकोषबाट लाखौँ अमेरिकी डलर लिएर आफूले देश छाडेको आरोपको भने उनले कडा रूपमा खण्डन गरेका छन् । यद्यपी उनले तालिबान र तालिबान सरकारबारे भने कुनै टिप्पणी गरेका छैनन् ।

तर, केही अन्तर्राष्ट्रिय संचारमाध्यमले चाहिँ घानीले प्रतिक्रिया जनाउन ढिला भइसकेको बताउँदै अफगान नागरिकहरूले गनीलाई माफ गर्न नसक्ने बताएका छन्। अशरफ गनी दुई पटक अफगानिस्तानका राष्ट्रपति निर्वाचित भएका थिए।

घानी पहिलो पटक सन् २०१४ मा र दोस्रो पटक २०१९ मा राष्ट्रपति बनेका हुन्। उनले आफ्नो जीवनको अधिकतम समय देशबाहिर नै बिताएका थिए।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर