पशुपतिनाथको गेटमै पूजा गर्दै व्रतालु, प्रहरीलाई भीड नियन्त्रण गर्न हम्मे (फोटोफिचर\भिडिओ)

काठमाडौं । कोरोना महामारीका कारण पछिल्लोपल्ट लागू गरिएको लकडाउनका कारण बैशाख १५ देखि पशुपतिनाथ मन्दिर बन्द छ ।

हरेक वर्ष हरितालिका तीजका दिन ठूलो संख्यामा दर्शनार्थीको उपस्थिति रहने पशुपतिनाथमा गत वर्ष र यो वर्ष पनि नियमितबाहेक पूजाआजा बन्द गरिएको छ ।

तर, तीजमा व्रत बसेकाहरु सयौंको संख्यामा पशुपति पुगेपछि प्रहरीलाई भीड नियन्त्रण गर्न हम्मे परेको छ । प्रहरीले माइकिङ गरी भीड कम गर्न र कोरोना जोखिमका कारण घरमै पूजा गर्न आग्रह गरिरहेको छ ।

मन्दिर बन्द भए पनि व्रतालुहरु पशुपतिको दक्षिण र पश्चिम प्रवेशद्वारमै पूजा गरेर फर्किएका छन् । गेटमै पूजा गर्न पनि लामो लाइन लाग्न थालेको छ ।

आज हरितालिका तीज देवादिदेव महादेवको पूजा गर्ने र निरहार व्रत बस्ने परम्परा छ । आरध्यदेव पशुपतिनाथमा हरेक वर्ष तीजका दिन ठूलो मेला लाग्ने गर्छ । काेराेना महामारीका कारण बन्द मन्दिरकाे भित्र सुनसान छ तर गेटबाहिर थामिनसक्नुकाे भीड छ ।