तीजको सानिमा बैंकको महिला लक्षित योजना – Nepal Press

तीजको सानिमा बैंकको महिला लक्षित योजना

काठमाडौं । सानिमा बैंकले महिला ग्राहकलाई लक्षित गर्दै तिज विशेष योजना सार्वजनिक गरेको छ । योजना अन्तर्गत नारी बचत खाता खोल्दा नि:शुल्क डेबिट/क्रेडिट कार्ड, मोबाइल बैंकिङ्ग, मेरो शेयर, डिम्याट खाताका साथै लकर सुविधामा ७५५ रूपैयाँ सम्म छुट प्राप्त गर्न सक्ने बैंकले जनाएको छ ।

यसका साथै पहिलो कारोबारमा १०५ वा रु ५०० सम्मको ‘क्यास ब्याक’ प्रदान गरिनेछ। यसका अतिरिक्त ५०० रूपैयाँ बराबरको एनसेल सिमकार्ड उपलब्ध गराउनुका साथै अमेरिकी डलर ई-कार्ड नि:शुल्क जारी समेत बैंकले जनाएको छ । भाद्र ३१ गतेसम्म सानिमा नारी बचत खाता खोल्ने महिला ग्राहकले उक्त छुट प्राप्त गर्ने बैंकले जनाएको छ ।

सानिमा बैंकले प्रत्येक नारी बचत खाता बापत बैंकको तर्फबाट मासिक १ रूपैयाँको दरले नारी सामाजिक कोषमा रकम जम्मा गरी सामाजिक कार्यमा खर्च गर्दै आएको छ । उक्त कोष अन्तर्गत हाल पाटन अस्पतालबाट निम्न आर्थिक अवस्था भएका महिलाहरूका उपचारका लागि आर्थिक सहयोग उपलब्ध गराइदै आएको छ ।

सानिमा बैंकको मुलुकभरमा १०४ वटा कार्यालय तथा ९६ वटा एटीएम सञ्चालनमा रहेका छन् ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर