दयाहाङ राई नेपाल-युरोपियन फिल्म फेस्टिभलको दूतमा नियुक्त – Nepal Press

दयाहाङ राई नेपाल-युरोपियन फिल्म फेस्टिभलको दूतमा नियुक्त

काठमाडौं । अभिनेता दयाहाङ राई नेपाल-युरोपियन फिल्म फेस्टिभल (नियुफ) को ब्रान्ड एम्बेस्डरमा नियुक्त भएका छन् । युरोपियन युनियनको नेपालस्थित डेलिगेसनले उनलाई फेस्टिभल दूतमा नियुक्त गरेको हो ।

अभिनेता राईले पनि फेस्टिभलसँग जोडिन पाउँदा खुशी लागेको बताएका छन् । महामारीले फिल्मका सार्थक गतिविधि ठप्प भएको समयमा भर्चुअल रुपमै भए पनि हुने फेस्टिभलले फिल्मकर्मीमा ऊर्जा सञ्चार गर्ने उनले बताए ।

उनले भने, ‘यो फेस्टिभल आफैमा साँस्कृतिक आदानप्रदान जस्तो हो । यसले हाम्रो फिल्म साक्षरताका लागि पनि महत्वपूर्ण योगदान गर्छ ।’ राईलाई दूत बनाउन पाउँदा आफूलाई खुशि लागेको डेलिगेसनले जनाएको छ ।

‘उहाँले फेस्टिभल अवधिभर हाम्रा संस्कृतिहरुबीचको (सजीव) सम्वाद तथा विश्वका लागि हाम्रो परिकल्पनाहरुलाई पूर्णरुपमा साकार तुल्याउनका लागि मिलेर काम गर्नुहुनेछ’ जारी विज्ञप्तिमा उल्लेख छ ।

यसैगरी डेलिगेसनले युरोपियन युनियनको साइटमा लगइन गरेर फिल्ममार्फत युरोप र नेपालको सांस्कृतिक मिलनलाई हेर्न तथा त्यसको आनन्द लिन सकिने पनि जनाएको छ । नेपाल युरोपियन फिल्म फेस्टिभलको यो दसौँ संस्करण हो । फेस्टिभल आउँदो असोज १ देखि ९ गतेसम्म भर्चुअल रुपमा चल्नेछ ।

महोत्सवमा डेलिगेसनले आयोजना गरेको लैङ्गिक समानताबारे लघु फिल्म प्रतियोगिताको विजेताको घोषणा तथा फिल्मसँग सम्बन्धित महत्वपूर्ण अन्तक्र्रिया र गोष्ठिहरू पनि सञ्चालन हुने छन् ।

 


प्रतिक्रिया

Leave a Reply

Your email address will not be published. Required fields are marked *