सिकन्दर राजाले विराटनगर वारियर्सबाट ईपीएल खेल्ने

काठमाडौं । जिम्बावेका क्रिकेटर सिकन्दर राजाले विराटनगर वारियर्सबाट चौथो संस्करणको एभरेष्ट प्रिमियर लिग (ईपीएल) खेल्ने भएका छन् ।

सोमबार विज्ञप्ति जारि गर्दै सिकन्दरलाई पहिलो अन्तर्राष्ट्रिय खेलाडीको रूपमा टोलीमा भित्र्याएको हो । सिकन्दरले अन्तर्राष्ट्रिय क्रिकेटमा १ सय ५० एकदिवसीय, १७ टेस्ट र ४२ टी-२० आई खेलहरू खेलेका छन् । त्यस्तै, उनले पाकिस्तान प्रिमियर लिग, क्यारेबियन प्रिमियर लिग लगायतका टि-२० लिग खेलिसकेका छन् ।

विराटनगर ईपिएल दोस्रो संस्करणको विजेता टोली हो । ६ फ्रेन्चाइज टोली सहभागी हुने ईपीएल चौथो संस्करण असोज ९-२३ सम्म कीर्तिपुरस्थित त्रिवि क्रिकेट मैदानमा हुनेछ ।