बाइडेन भन्छन्- काबुल हमलाको जवाफ अमेरिकाले दिनेछ – Nepal Press

बाइडेन भन्छन्- काबुल हमलाको जवाफ अमेरिकाले दिनेछ

काठमाडौं । अमेरिकाका राष्ट्रपति जो बाइडेनले अफगानिस्तानको काबुलमा भएको आत्मघाती बम विस्फोटमा १३ जना अमेरिकी नागरिक मारिएको हमलाको बदला लिने बताएका छन् ।

बिस्फोटपछि ह्वाइटहाउसबाट सम्बोधन गर्दै राष्ट्रपति बाइडेनले अमेरिकीहरूको ज्यान लिनेलाई नछोड्ने बताएका छन्।

दि वाल स्टेट जर्नलमा जो बाइडेनले भनेका छन्,‘अमेरिकाले बिहीबार अफगानिस्तानमा कम्तीमा १३ अमेरिकी सेवा सदस्य र दर्जनौं अफगानिस्तानमा मारिएका हमलाको बदला लिने छ र निकासी प्रयास जारी राख्ने वाचा गरेको छ।’

‘हामी माफ गर्दैनौं। हामी बिर्सने छैनौं। हामी तपाइँलाई शिकार गर्नेछौं र तिर्नेछौं, बाइडेनले भने । ह्वाइट हाउसमा बिहीबार साँझ टिप्पणीको क्रममा भनेका थिए  पहिले नै मानवीय र राजनीतिक संकट भयावह भएको छ।

यो आक्रमणले अगष्ट ३१ भित्रै काबुल छाड्ने अमेरिकी योजनामा कुनै बदलाब नआउने उनले प्रष्ट पारे ।

बिहीबार साँझ काबुलमा रहेको हमिद कारजाई अन्तर्राष्ट्रिय विमानस्थलको गेटमा भएका आत्मघाती हमलामा कम्तीमा १३ अमेरिकी सैनिकसहित दर्जनौं मानिसको मृत्यु भएको छ।

उद्धारका लागि विमानस्थल पुगेका विदेशी नागरिक र विशेष गरी अमेरिकी सैनिकलाई लक्षित गरी भएका यी दुई बिस्फोटमा मृत्यु हुने अमेरिकी सैनिकको संख्या १३ पुगेको हो।

आत्मघाती बम आक्रमण अन्तर्रास्ट्रिय आतंकबादी संगठन आईएसआईएसले गरेको हुन सक्ने अनुमान अमेरिकाले गरेको छ ।
तलिबानले पनि घटनाको निन्दा गर्दै नागरिकको जीउधनको सुरक्षा गर्ने जनाएको छ । विमानस्थलबाहिर आतंककारी आक्रमण हुन सक्ने अमेरिकी चेतावनीको केही घन्टामै यो विष्फोट भएको हो ।

अहिले काबुल विमानस्थल अमेरिकी सेनाको नियन्त्रणमा छ । हजारौं बिदेशी काबुल छाड्ने तयारीका लागि विमानस्थलमा जम्मा भएका छन । हिजोको घटनाले उद्दार कार्य प्रभावित हुने होकि भन्ने चिन्ता थपिएको छ ।

याे पनि पढ्नुस्

काबुल विस्फोटमा १३ अमेरिकी सैनिकसहित ६० जनाको मृत्यु

 

 

 

प्रतिक्रिया

Leave a Reply

Your email address will not be published. Required fields are marked *

सम्बन्धित खवर