पत्नीको जन्मदिनमा केपी ओलीको डान्स (भिडियो) – Nepal Press

पत्नीको जन्मदिनमा केपी ओलीको डान्स (भिडियो)

काठमाडौं । एमाले अध्यक्ष केपी शर्मा ओलीलाई आलोचकहरुले कठोर र अनुदार राजनीतिज्ञका रुपमा चित्रित गर्ने गर्छन् ।

राजनीतिबाहिर व्यक्तिगत जीवनमा भने उनी ठट्यौलो र रसिक छन् । पत्नी राधिकाको जन्मदिनमा हिजो पार्टीका केही कार्यकर्ताहरुमाझ उनी यस्तै अवतारमा पेश भए ।

राधिकाको जन्मदिनमा बालकोटस्थित ओली निवासमा हिजो सानो जमघट थियो । पार्टीका एकाध नेताहरुसहित अनेरास्ववियुका युवाहरुको समूह उनलाई शुभकामना दिन बालकोट पुगेका थिए ।

त्यस क्रममा ओली पार्टीका युवाहरुमाझ रमाइलो मुद्रामा पेश भए । उनले एकछिन नृत्य समेत गरे ।

कार्यकर्ताहरुको आग्रहमा ओलीले आफैंले लेखेको गीत ‘म त कति भाग्यमानी…’ मा छमछम नाचेका थिए । राधिका भने हल्लिइन् मात्र ।

राति करिब १० बजेसम्म बालकोट निवासको माहोल गुलजार थियो । शुभकामना दिन आएको टोलीलाई सामान्य खानपिन गराएर ओलीले बिदा गरेका थिए ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर