देवेन्द्र तामाङ मच्छिन्द्रमै बस्ने

काठमाडौं । डिफेन्डर देवेन्द्र तामाङले आगामी सिजनको शहीद स्मारक ए डिभिजन लिग पनि मच्छिन्द्र क्लबबाटै खेल्ने भएका छन् । गत सिजन मच्छिन्द्रले पहिलो पटक लिग जित्दाका महत्त्वपूर्ण खेलाडी देवेन्द्रले २०२१/२२ का लागि मच्छिन्द्रसँगको सम्झौता नवीकरण गरेका हुन् ।

राष्ट्रिय टोलीबाट खेलिसकेका देवेन्द्र अहिले भने बन्द प्रशिक्षणमा छैनन् ।

देवेन्द्रले यसअघि थ्री स्टार क्लबबाट पनि ए डिभिजन लिग खेलेका थिए । पछिल्लो पटक मच्छिन्द्र लिग च्याम्पियन बन्दा देवेन्द्रले रक्षापंक्ति सम्हालेका थिए । ए डिभिजन लिग आगामी कार्तिक २९ गतेदेखि सुरु गर्ने अखिल नेपाल फुटबल संघ (एन्फा) को तयारी छ ।

मंगलबार रन्जित धिमालले पनि नयाँ सिजनका लागि सम्झौता नवीकरण गरेको क्लबले बताएको थियो ।