विष्णु माझीको गीत ‘चरी जेलैमा’ले राख्यो रेकर्ड : २४ घण्टामा १० लाख भन्दा बढी भ्यूज

काठमाडौं । विष्णु माझीको नयाँ गीत ‘चरी जेलैमा’लाई भिडिओ साझेदारी साइट युट्युवमा पछिल्लो २४ घण्टा (मंगलबार बिहान ६ बजेदेखि बुधबार बिहान ६ बजेसम्म) मा १० लाख पटक हेरिएको छ । गीतलाई रिलिजको ६ दिनमा कूल ३८ लाख ८५ हजारभन्दा बढी पटक हेरिएको छ ।

२४ घण्टामै १ मिलियन भ्यूज कमै भिडिओलाई प्राप्त हुने गर्छ । सार्वजनिक जीवनबाट गुमनाम गायिका विष्णु माझीको नयाँ गीत रिलिज भएपछि सामाजिक संजालमा यसले निकै चर्चा बटुलेको थियो ।

पछिल्लो समय कुनैपनि भिडिओले एकैदिनमा १ मिलियनको भ्यूज प्राप्त गरेका थिएनन् । विष्णु माझीप्रतिको चासो र कन्टेन्टको कारण गीतले गतिलो भ्यूज बटुलेको युट्युव एनालिस्ट कुमार व्यञ्जनकार बताउँछन् । उनका अनुसार पछिल्लो पटक प्रकाश सपुतको कुरा बुझ्न पर्च र पल शाह फिचर्ड गीत टाढा भएपनिलाई सुरुआती २४ घण्टामा ९ लाख पटक हेरिएको थियो ।