नेपाललाई बक्सिङमा तीन कास्य – Nepal Press

नेपाललाई बक्सिङमा तीन कास्य

युनाइटेड अरब इमिरेटस् (यूएई) मा जारी एएसबिसी एशियन युथ एण्ड जुनियर बक्सिङ च्याम्पियनसिपमा नेपालले तीन कास्य पदक जितेको छ ।

नेपालका लागि पुरुषतर्फ छिरिङ वाङ्दी शेर्पाले जुनियर ५४ किलोमा कुबेतका खेलाडी मोहम्मद अलिनेजीलाई ५-० अंकले पराजित गर्दे कास्य जितेका हुन् । उनी सेमिफाइनलमा किर्गिस्तानका खेलाडी एडाइबेक नियाजबेसित पराजित भएका थिए । प्रशिक्षक डम्बरदत्त भट्टका अनुसार महिलातर्फ ५२ किलोमा स्वस्तिका तिरुवा र ५७ किलोमा नारिका राईले कास्य जिते ।

आगामी असोज १५ सम्म सञ्चालन हुने प्रतियोगितामा नेपालबाट शेर्पा, तिरुवा र राईसँगै पुरुषतर्फ ६० किलो तौलमा इन्द्रबहादुर सुनार, ५४ किलोमा सुलभ माली र ७१ किलोमा सुदेन गिरीले प्रतिस्पर्धा गरेका थिए ।

गत महिना ललितपुरको सातदोबाटोमा सम्पन्न छनोट प्रतियोगिताबाट यूएईमा भाग लिने खेलाडीको छनोट गरिएको थियो । टोलीमा ओलम्पियन एवम् प्रशिक्षक दीपक महर्जन, सन्दीप श्रेष्ठ, दुर्गा गहतराज र टोलीको व्यवस्थापकमा नेपाल बक्सिङ सङ्घका सदस्य मानबहादुर भण्डारी र झापा जिल्ला बक्सिङ सङ्घका सदस्य तर्कराज राई छन् ।

रासस


प्रतिक्रिया

Leave a Reply

Your email address will not be published. Required fields are marked *