४६ लागिन् दीपाश्री, साथ दिनेलाई सम्झँदै बनिन् भावुक (तस्विरहरु)

काठमाडौं । अभिनेत्री एवं निर्देशक दीपाश्री निरौला आजदेखि ४६ वर्ष लागेकी छिन् । ‘छक्का पञ्जा’ सिरिज निर्देशकको जन्मदिन सेलिव्रेट गर्न राजधानीको रेडियो अडियोमा कार्यक्रम आयोजना गरियो ।

दीपकराज गिरीसहितका हाँस्य कलाकार उपस्थित भएर दीपालाई जन्मदिनको शुभकामना दिए । गाइजात्रा अवसर भएकाले पनि उनको बर्थडे सेलिव्रेसन हाँस्यव्यंग्यले भरिएको थियो ।

‘मंगलम भगवान विष्णु’ स्वस्ती वाचनसहित गरिएको बर्थडे सेलिवे्रसनमा दीपाश्री भावुक पनि बनिन् । स्वस्ती वाचन गर्दा विहेको मण्डपमा भएको महसुस आफूले गरेको उनले बताइन् ।

अघिल्लो वर्ष ‘महानायक’ विषयमा भएको विवादमा आफू एक्लिएको र उक्त कठिन अवस्था सम्झँदै उनी भावुक बनिन् । उक्त विवादमा दीपाले आफूलाई साथ दिने सबैलाई धन्यवाद समेत दिइन् । दीपकले फेसबुक पोस्टमार्फत दिएको बधाईको पनि उनले स्मरण गरिन् । दीपालाई बधाई दिन दीपकराजसहित पत्रकार ऋषि धमला लगायतका व्यक्तिहरु कार्यक्रममा पुगेका थिए ।