भारतमा कोरोनाको तेस्रो लहर अक्टोबरमा उचाईमा पुग्ने, सतर्क रहन भारतीय गृहमन्त्रालयको निर्देशन – Nepal Press

भारतमा कोरोनाको तेस्रो लहर अक्टोबरमा उचाईमा पुग्ने, सतर्क रहन भारतीय गृहमन्त्रालयको निर्देशन

दिल्ली । भारतमा कोरोना महामारीकोको तेस्रो लहर आगामी अक्टोबरसम्ममा उचाईमा पुग्नसक्ने त्यहाँको भारतीय गृहमन्त्रालयले जनाएको छ । सोहीअनुसार तयारी गर्न भारतीय गृहमन्त्रालयले पूर्वतयारी गर्न प्रधानमन्त्री कार्यालयलाई जानकारी गराएको छ ।

राष्ट्रिय विपद् व्यवस्थापन संस्था (एनआईडीएम)ले अक्टोबरमा कोरोनाको तेस्रो लहरको संक्रमण उत्कर्षमा पुग्ने जानकारी दिएपछि गृह मन्त्रालय सतर्क भएको हो । तेस्रो लहरले बच्चाहरुमा उच्च संक्रमण हुने भएकाले अस्पताललाई तयारी अवस्थामा रहन मन्त्रालयले निर्देशन दिएको छ ।

भारतमा आइतबार २५ हजार ४२० जना नयाँ कोरोना संक्रमित थपिएका छन् भने ४४ हजार १०३ जना संक्रमणमुक्त भएका छन् । सोही अवधिमा ३८५ जनाको मृत्यु भएको छ । हालसम्म ३ करोड १६ लाख भन्दा बढी संक्रमण मुक्त भएको भारतिय स्वास्थ्य मन्त्रालयले जनाएको छ ।

भारतमा एक साता अधि ७ हजार सक्रिय संक्रमित थिए भने पछिल्लो २४ घण्टामा १९ हजार सक्रिय संक्रमित रहेका छन् । यहाँ पछिल्लो एक साता देखि संक्रमितको संख्या बढीरहेको भारतीय संचार माध्यमले जनाएको छ ।

 


प्रतिक्रिया

Leave a Reply

Your email address will not be published. Required fields are marked *

सम्बन्धित खवर