कमल थापाले त्यागे स्थानीय तह निर्वाचन परिचालन समितिको नेतृत्व

काठमाडौं । राष्टिय प्रजातन्त्र पार्टीका अध्यक्ष कमल थापाले पार्टीद्वारा गठित स्थानीय तह निर्वाचन परचालन समितिको संयोजकको जिम्मेवारीबाट अलग भएको घोषणा गरेका छन् ।

सामाजिक सञ्जाल फेसबुकमा स्टाटस लेख्दै उनले सो घोषणा गरेका हुन् । थापाले अध्यक्षद्वय पशुपति शम्शेर राणा र डा. प्रकाशचन्द्र लोहनीमध्ये एकलाई सो जिम्मेवारी लिन वा अन्य वरिष्ठ नेतालाई संयोजक बनाउन आग्रह समेत गरेका छन् । आफूले जिम्मेवारी त्याग्नुको कारण उनले खुलाएका छैनन् ।

राप्रपाले अध्यक्ष थापाको नेतृत्वमा गत साउन ८ गते मात्रै स्थानीय तह निर्वाचन परिचालन समिति गठन गरेको थियो । गठन भएको एक महिना नपुग्दै थापाले जिम्मेवारी त्यागेका हुन् । पार्टीमा तीन अध्यक्षहरुबीच विभिन्न विषयमा मतभेद रहँदै आएको छ ।