एमालेको अवरोधपछि लुम्बिनी प्रदेशसभा बैठक स्थगित, अर्को बैठक भोलि

रूपन्देही । विपक्षी दल नेकपा एमालेले अवरोध गरेपछि लुम्बिनी प्रदेशसभाको नवौं अधिवेशन अन्तर्गत पहिलो बैठक स्थगित भएको छ । निर्धारित समयभन्दा डेढ घण्टा ढिला सुरु भएको बैठक प्रमुख विपक्षी एमालेले अवरोध गरेपछि सभामुख पूर्णबहादुर घर्तीले भोलि दिउँसो १ बजेम्मको लागि स्थगित गरेका हुन् ।

एमालेले सूर्य चिह्न लिएर चुनाव जितेका अजय शाही र विमला वलीलाई कारवाही गरिएको सूचना सुनाउनु पर्ने माग गर्दै एमालेले बैठक अवरुद्ध पारेको थियो ।
सभामुखले बैठकको कारवाही अगाडि बढाउँदै गर्दा एमालेका सांसदहरुले उठेर विरोध गरेपछि सभामुख घर्तीले भोलिसम्मका लागि स्थगित गरेका हुन् ।