मध्यपूर्व संयोजक प्रवीण गुरुङद्वारा एनआरएनए सचिवमा उम्मेद्‍वारी घोषणा

काठमाडौं । गैरआवासीय नेपाली संघ (एनआरएन) को आगामी अक्टोवर तेस्रो साता हुने १० औं महाधिवेशनमा अन्तर्राष्ट्रिय समन्वय परिषद्को मध्यपूर्व संयोजक प्रवीण गुरुङले सचिव पदमा उम्मेदवारी दिने घोषणा गरेका छन् ।

उनले गैरआवासीय नेपाली संघमा संस्थागत स्थायित्व र विकास आफ्नो उम्मेदवारीको एजेण्डा हुने बताएका छन् । संघको अभियानमा आफूले प्राप्त गरेको लामो अनुभव र अग्रजहरूको आग्रहमा उम्मेदवारी दिने निचोडमा आफू पुगेको उनको भनाइ छ ।

गैरआवासीय नेपाली संघ, अन्तर्राष्ट्रिय समन्वय परिषद्को मध्यपूर्व संयोजक गुरुङले भूकम्प, बाढीपहिरो, कोभिड-१९ लगायत विभिन्न प्रकोपमा गैरआवासीय नेपाली संघको नेतृत्व गर्दै अस्थायी/स्थायी बासस्थान, खाध्यान्नलगायत उद्धार तथा राहतमा खटिएका थिए ।

त्यसैगरी एनआरएनएको इतिहासमा पहिलोपटक नेपालको आठौँ राष्ट्रिय खेलकुद प्रतियोगितामा सहभागिता हुने अवसर पाएको थियो ।

विभिन्न खेल, कला साहित्य तथा नेपाली संस्कार र संस्कृतिको संरक्षण, सम्बर्धन तथा प्रवर्द्धनमा प्रत्यक्ष सहभागी भएका थिए ।