शंकरदेवमा माधवपक्षीय अखिल फोर्सद्वारा सेनिटरी प्याड मेसिन सहयोग (भिडियो) – Nepal Press

शंकरदेवमा माधवपक्षीय अखिल फोर्सद्वारा सेनिटरी प्याड मेसिन सहयोग (भिडियो)

काठमाडौं । माधव नेपालपक्षीय अखिल फोर्सले सेनिटरी प्याड भेन्डिङ मेसिन वितरण गरेको छ ।

सोमवार शंकरदेव क्याम्पसमा अनेरास्ववियूको समन्वयमा केन्द्रीय अखिल फोर्सले सेनिटरी प्याड भेन्डिङ मेसिन वितरण गरेको हो । फोर्सले देशभरका विद्यार्थीका मागहरूमा केन्द्रित रही रचनात्मक काम गर्ने योजनाअनुरूप मेसिन वितरण गरिएको अनेरास्ववियू अध्यक्ष सुदेश पराजुलीले जानकारी दिए । उनका अनुसार देशभरका आंगिक क्याम्पसहरूमा सेनिटरी प्याड भेन्डिङ मेसिन वितरण गरिनेछ ।

शंकरदेव क्याम्पसकी उपप्रमुख मिखा श्रेष्ठले आंगिक कलेजहरूमा धेरै कुराहरू आवश्यक रहेकोले यस्ता कामहरू गर्दै जान सुझाव दिइन् । महिलाहरुको लागि अखिल फोर्सको यो कार्य उल्लेखनीय भएको भन्दै श्रेष्ठले कलेजका शौचालयमा धेरै समस्या भएको बताइन् ।

 

प्रतिक्रिया

Leave a Reply

Your email address will not be published. Required fields are marked *