मिरको ह्याट्रिकप्रेरित स्पेन यु–२३ ओलम्पिकको सेमिफाइनलमा

काठमाडौं । राफा मिरको ह्याट्रिकप्रेरित स्पेन यु–२३ ले टोकियो ओलम्पिक– पुरुष फुटबलको क्वार्टरफाइनलमा आइभरी कोस्ट यु–२३ लाई ५–० गोलको नतिजामा पराजित गरेको छ ।

शनिबार टोकियोस्थित म्यागी स्टेडियममा भएको खेलको १०औं मिनेटमा एरिक बेलीले गरेको गोलसँगै अफ्रिकी मुलुकले अग्रता लिएको थियो । स्पेन यु–२३ का लागि ड्यानिएल ओल्मोले ३०औं मिनेटमा बराबरी गोल फर्काएका थिए ।

पहिलो हाफ १–१ गोलको बराबरीमा टुङ्गिएको खेलको ९० मिनेटसम्म थप गोल हुन सकेनन् । यद्यपि, इन्जुरी समयको पहिलो मिनेटमा आइभरी कोस्ट यु २३ का लागि म्याक्स एलेन ग्रडेलले गोल गरेका थिए । तर, त्यसको  २ मिनेट नबित्दै राफा मिरले गोल गर्दैै स्पेन यु–२३ लाई हारबाट जोगाएका थिए ।

निर्धारित समयमा२–२ गोलको बराबरी भएको खेलको अतिरिक्त समयमा स्पेनले थप तीन गोल गर्यो । मिकेल ओयार्जाबालले ९८औं मिनेटमा पेनाल्टमार्फत् गरेको गोलसँगै स्पेनले ३–२ गोलको अग्रता बनाएको थियो ।

अतिरिक्त समयको खेल सकिन तीन मिनेट बाँकी रहँदा मिरले स्पेन यु–२३ का लागि व्यक्तिगत दोस्रो गोल गरेका थिए ।

अतिरिक्त समयको इन्जुरी समयमा आयार्जाबालले दिएको पासलाई पुनः जाली चुमाएका मिरले गरेको ह्याट्रिकसँगै स्पेनले फराकिलो जित सुनिश्चित ग¥यो ।