एन्फाको बैठक जारी, प्रशिक्षक अब्दुल्लाह निस्किए – Nepal Press

एन्फाको बैठक जारी, प्रशिक्षक अब्दुल्लाह निस्किए

काठमाडौं । राष्ट्रिय फुटबल टिमका प्रशिक्षकको राजीनामाको विषय टुंगो लगाउन बसेको एन्फा कार्यसमितिको बैठक जारी छ । प्रशिक्षक अब्दुल्लाह अल्मुताइरी भने केही समय बैठकमा सहभागी भएर निस्केका छन् ।

बैठक सुरु भएको एक घन्टापछि प्रशिक्षकको बैठकस्थलमा इन्ट्री भएको थियो । उनी सहायक कोच किरण श्रेष्ठ र गोलकिपिङ कोच विकास मल्लसँगै बैठकस्थलमा प्रवेश गरेका थिए । बीचमा उनी दुईपटक भित्र-बाहिर गरेका थिए । एकपटक बाहिर निस्केर पार्किङसम्म आएका उनलाई इन्द्रमान तुलाधर लगायतले फर्काएका थिए । फेरि दुईपटक उनी तलमाथि गरिरहे ।

अहिले भने उनी बैठक छाडेर हिँडेका छन् । सहायक कोच श्रेष्ठ र गोलकिपिङ कोच मल्लसँगै उनी गाडी चढेर बाहिरिएका हुन् । एन्फाको कार्यसमिति बैठक भने जारी छ । बैठकको प्रगति सम्वन्धमा केही पनि सूचना बाहिर आएको छैन ।


प्रतिक्रिया

Leave a Reply

Your email address will not be published. Required fields are marked *