ओलम्पिक फुटबलमा सर्वाधिक गोलकर्ता को हुन् ? सूचीमा टेभेजदेखि नेइमारसम्म – Nepal Press

ओलम्पिक फुटबलमा सर्वाधिक गोलकर्ता को हुन् ? सूचीमा टेभेजदेखि नेइमारसम्म

काठमाडौं । सन् १९९२ देखि ओलम्पिक गेम्समा यु-२३ फुटबल टोलीले खेल्न थालेको हो । जुनसुकै टोलीमा पनि बढीमा तीन जना खेलाडी मात्रै २३ वर्षभन्दा माथिका समावेश गर्न पाइने नियम छ ।

ओलम्पिक फुटबलको इतिहासका सर्वाधिक सफल टोली- हंगेरी र संयुक्त अधिराज्य हुन् । ओलम्पिकको पुरुष फुटबलतर्फ दुवै देशले तीन/तीन पटक स्वर्ण जितेका छन् । हंगेरीले दुई रजत र एक कास्यसमेत जितेको छ ।

विश्व फुटबलको ‘ट्र्याडिसनल जायन्ट’ अर्जेन्टिनाले पनि दुई पटक स्वर्ण पदक जितेको छ । अर्जेन्टिनाको चरम प्रतिद्वन्दी तथा पाँच पटकको विश्वकप विजेता ब्राजिलले एक पटक मात्र (२०१६)मा स्वर्ण पदक जितेको छ ।

डेनमार्कका सोफुस नेलसन र हंगेरीका अन्तल दुनाई ओलम्पिकमा पुरुष फुटबलका सर्वकालीन सर्वाधिक गोलकर्ता हुन् । यी दुवै खेलाडीले आफ्नो देशको प्रतिनिधित्व गर्दै ओलम्पिकमा १३/१३ गोल गरेका छन् ।

अर्जेन्टिनाका कार्लोस टेभेज र ब्राजिलका बेबेटोले समान ८ गोल गरेका छन् । यस्तै, दक्षिण अमेरिकी सुपर पावर- ब्राजिलकै नेइमार र रोमारियोले ७/७ गोल गरेका छन् ।

ओलम्पिकको इतिहासकै सबैभन्दा छिटो गोल भने नेइमारको नाममा छ । २०१६ मा घरेलु मैदानमा भएको रियो ओलम्पिकमा ब्राजिलले स्वर्ण जित्दा नेइमारले होन्डुरसविरुद्ध १६ सेकेन्डमै गोल गरेका थिए ।

१६ सेकेन्डमै नेइमारको कीर्तिमानी गोलसँगै अग्रता लिएको ब्राजिलले त्यो खेलमा ६-० को सहज जित निकालेको थियो ।

ओलम्पिकमा पुरुष फुटबलतर्फ सर्वाधिक गोलकर्ताको सूची यस्तो छ:

पोजिसन खेलाडी देश गोल संस्करण
सोफुस नेलसन डेनमार्क १३ १९०८, १९१२
अन्तल दुनाई हंगेरी १३ १९६८, १९७२
फेरेन्च बेने हंगेरी १२ १९६४
डोमिङ्गो तारास्कोनी अर्जेन्टिना ११ १९२८
पेड्रो पेट्रोन उरुग्वे ११ १९२४, १९२८
गोटफ्रिड फुच्स जर्मनी १० १९१२
काजिमिरेज डेना पोल्यान्ड १० १९७२, १९७६
हारोल्ड वाल्डेन ग्रेट ब्रिटेन १९१२
भिल्हेल्म वोल्फागेन डेनमार्क १९०८, १९१२
१० यान भोस नेदरल्यान्ड्स १९१२
१० कार्लोस टेभेज अर्जेन्टिना २००४
१० हराल्ड नेलसन डेनमार्क १९६०
१० इब्राहिम रियाद इजिप्ट १९६४
१४ हेक्टर स्कारोन उरुग्वे १९२४, १९२८
१४ बेबेटो ब्राजिल १९८८, १९९६
१६ जोन हान्सेन डेनमार्क १९४८
१६ एन्थोन ओल्सेन डेनमार्क १९१२
१६ गुनार नोर्दल स्वीडेन १८४८
१६ एनिबेल फ्रोसी इटाली १९३६
१६ हबर्ट काल्सेन स्वीडेन १९२०
१६ ब्रान्को जेबेक युगोस्लाभिया १९५२
१६ मिलन गालिच युगोस्लाभिया १९६०
१६ कुनिसिङ्गे कामामोटो जापान १९६८
१६ आान्द्रेज जुस्कोवाक पोल्यान्ड १९९२
१६ रोमारियो ब्राजिल १९८८
१६ नेइमार ब्राजिल २०१२, २०१६

 


प्रतिक्रिया

Leave a Reply

Your email address will not be published. Required fields are marked *