रियाल मड्रिडका अलाबालाई कोरोना संक्रमण पुष्टि – Nepal Press

रियाल मड्रिडका अलाबालाई कोरोना संक्रमण पुष्टि

काठमाडौं । स्पेनिस हेभिवेट रियाल मड्रिडका खेलाडी डेभिड अलाबालाई कोरोना भाइरसको संक्रमण पुष्टि भएको छ ।

यसै सिजन जर्मन च्याम्पियन बायर्न म्युनिखबाट मड्रिड आएका अलाबालाई कोभिड-१९ को संक्रमण पुष्टि भएको क्लबले जानकारी दिएको छ ।

अस्ट्रियाका २९ वर्षीय कप्तान अलाबा बायर्नमा ११ वर्ष बिताएर गत सिजनको समाप्तिसँगै फ्रि-एजेन्ट भएका थिए । यसै महिना सम्पन्न युरो २०२० मा अस्ट्रियालाई प्रि-क्‍वार्टरफाइनलसम्म पुर्‍याएका अलाबा त्यसपछि मड्रिड पुगेका थिए ।

रियालले बुधबार क्लबको वेबसाइटमार्फत् उनलाई कोरोना संक्रमण भएको जानकारी दिएको छ । ‘हाम्रा खेलाडी डेभिड अलाबाको कोभिड-१९ परीक्षणको रिपोर्ट पोजिटिभ आएको छ,’ वेबसाइटमा भनिएको छ ।

प्रतिक्रिया

Leave a Reply

Your email address will not be published. Required fields are marked *