रोकेको बसमा ट्रकले ठक्कर दिँदा १८ जनाको मृत्यु – Nepal Press

रोकेको बसमा ट्रकले ठक्कर दिँदा १८ जनाको मृत्यु

एजेन्सी । भारतको उत्तर प्रदेश बारबंकी जिल्लामा रोकेर राखेको बसमा ट्रकले ठक्कर दिंदा १८ जनाको मृत्यु भएको छ । पञ्जावको लुधियानाबाट बिहार जाँदै गरेको बसलाई बारबंकीको रामसनेहीघाट कोतवाली क्षेत्रमा मध्यराती ट्रकले ठक्कर दिएको प्रहरी अधिकारीहरुले बताएका छन् ।

२ तले बसमा प्राबिधिक समस्या आएपछि चालकले सडक किनारमा रोकेर राखेका थिए । बसभित्रका सबै यात्रु निदाईरहेका बेला तिब्र गतिमा आएको ट्रकले ठक्कर दिएको प्रहरीले जनाएको छ । बसमा रहेका यात्रु मध्य १८ जनाको मृत्यु भएको लखनउ प्रहरीका एडीजी सत्य नारायण साबतले बताए । साबतका अनुसार १९ बढी घाइतेहरुलाई उद्दार गरी अस्पताल भर्ना गरिएको छ । सबैको अवस्था गम्भीर रहेको उनले बताए ।

साउन महिनाको पवित्र तीर्थाटन गर्न लुधियानाबाट सावारिया भरेर यात्रुहरु बिहार जाँदै गरेको बताईएको छ । ट्रकले ठक्कर दिएको समयमा सो स्थानमा भारी वर्ष भइरहेका कारण उद्दारमा ढिलाई भएको स्थानीयले बताएका छन् ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर