ओलम्पिकमा आज २३ स्वर्णको छिनोफानो हुँदै, पदक तालिकामा जापान अगाडि – Nepal Press

ओलम्पिकमा आज २३ स्वर्णको छिनोफानो हुँदै, पदक तालिकामा जापान अगाडि

एजेन्सी । ओलम्पिकको पाँचौं दिन आज थप २३ स्वर्ण पदकको छिनोफानो हुँदैछ । अर्थात्, ११ खेलका २३ स्पर्धाको फाइनल खेल आज दिनभरमा हुनेछ ।

त्यसबाहेक अन्य खेलका फाइनलअघिका प्रतिस्पर्धाहरु पनि जारी रहनेछन् । आज २७ खेलका स्पर्धाहरु भइरहेका छन् ।

बुधबार आर्टिस्टिक जिम्न्यास्टिकको पुरुष टिम, बास्केटबलमा महिला र पुरुष थ्र अन थ्री, साइक्लिङमा पुरुष र महिला टाइम ट्रायल, डाइभिङको पुरुष ३ मिटर स्यान्च्रो, घोडचढीमा एकल ड्रेसेज, फेन्सिङमा पुरुष टिम, जुडोमा महिला ७० केजीमूनि र पुरुष ९० केजीमूनि, रोइङमा महिला र पुरुष डवल्स स्कल्स, महिला र पुरुष फोर तथा महिला र पुरुष क्वार्डुपल स्कल्स स्पर्धाको फाइनल खेल हुनेछ ।

रग्वी सेभेनतर्फ पुरुषको फाइनल खेल आज हुनेछ । पौडीमा महिला २ सय मिटर फ्रिस्टाइल, २ सय मिटर इण्डिभिज्युअm मिड्ले र १५ मिटर फ्रिस्टाइलको फाइनल हुनेछ भने पुरुषतर्फ २ सय मिटर बलरफ्लाई र ४ गुणा २ सय मिटर रिलेमा स्वर्ण पदकको छिनोफानो हुनेछ । भारोत्तोलनमा पुरुष ७३ केजीको फाइनल हुनेछ ।

पदक तालिकामा अहिलेसम्म घरेलु टोली जापानले अग्रता बनाइरहेको छ भने अमेरिका र चीन उसलाई पछ्याइरहेका छन् । जपानले १० स्वर्ण जितेको छ । अमेरिका र चीनले समान ९–९ जितेका छन् भने रुस ओलम्पिक कमिटीले ७ स्वर्ण जितेको छ । अस्ष्ट्रेलिया र संयुक्त अधिराज्यले ४–४, दक्षिण कोरिया र फ्रान्सले ३–३ तथा क्यानडा, जर्मनी र कोसोभोले २–२ स्वर्ण जितेका छन् । अन्य २० देशले १–१ स्वर्ण जितेका छन् ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर
नेपाल अपडेट ट्रेन्डिङ