ओलम्पिकमा आज २२ स्वर्णको छिनोफानो, पदक तालिकामा जापान, अमेरिका र चीनको प्रतिस्पर्धा – Nepal Press

ओलम्पिकमा आज २२ स्वर्णको छिनोफानो, पदक तालिकामा जापान, अमेरिका र चीनको प्रतिस्पर्धा

एजेन्सी । जापानको टोकियो शहरमा जारी ३२ औं ग्रिष्मकालीन ओलम्पिकमा आज मंगलबार २२ स्वर्णका लागि प्रतिस्पर्धा हुँदैछ ।

आज विभिन्न १३ खेलका २२ स्वर्धाको फाइनल हुन लागेको हो । आर्टिस्टिक जिम्न्यास्टिकको महिला टिम, क्यानोई स्लामोमको महिला टिम, साइक्लिङको महिला क्रसकन्ट्री, डाइभिङमा महिला १० मिटर स्यान्च्रो, घोडचढीमा ड्रेसेज टिम र फेन्सिङमा महिला टिममा स्वर्ण छिनोफानो आजै हुनेछ ।

त्यस्तै जुडोमा महिला ६३ केजीमूनि र पुरुष ८१ क्ेजीमूनि, शुटिङमा १० मिटर एयर रइफल मिक्स टिम र १० मिटर एयर पेस्तोम मिक्स्ड टिम, सफ्टबलमा महिला र पुरुष टिम, पौडीमा पुरुष २ सय मिटर फ्रिस्टाइनल, पुरुष र महिला १ सय मिटर ब्याकस्ट्रोक तथा महिला १ सय मिटर ब्रेष्टस्ट्रोक स्पर्धाको फाइनल आज हुँदैछ ।

तेक्वान्दोमा महिला ६७ केजीमाथि र पुरुष ८० केजीमाथि, ट्रायथोलन महिला एकल र भारोत्तोलन महिला ५९ केजी र ६४ केजी स्पर्धामा स्वर्णको छिनोफानो पनि आज हुनेछ । त्यसबाहेक समूह चरणका खेलहरुका रुपमा अन्य खेलका प्रतिस्पर्धाहरु पनि जारी रहनेछन् ।

अहिलेसम्म ५१ स्वर्णको छिनोफानो भएकोमा ८ स्वर्ण जितेर घरेलु टोली जापान शीर्ष स्थानमा छ । ७ स्वर्णसहित अमेरिका र ६ स्वर्णसहित चीनले उसलाई पछ्याइरहेको छ । रुसी ओलम्पिक कमिटीले ४ तथा संयुक्त अधिराज्य र दक्षिण कोरियाले समान ३ स्वर्ण जितेका छन् ।

अष्ट्रेलिया र कोसोभोले समान २ स्वर्ण जितेका छन् । टोकियोमा अहिलेसम्म १६ देशले ओलम्पिक स्वर्ण जितेका छन् ।

प्रतिक्रिया

Leave a Reply

Your email address will not be published. Required fields are marked *