प्रधानमन्त्री कार्यालय र गृह मन्त्रालयको प्रवक्ता फेरिए, कारागार व्यवस्थापन विभागको जिम्मेवारी दाहाललाई – Nepal Press

प्रधानमन्त्री कार्यालय र गृह मन्त्रालयको प्रवक्ता फेरिए, कारागार व्यवस्थापन विभागको जिम्मेवारी दाहाललाई

प्रधानमन्त्री कार्यालको प्रवक्तामा राउत र गृह प्रवक्ताको जिम्मेवारी पोखरेललाई

काठमाडौँ । प्रधानमन्त्री तथा मन्त्रिपरिषद् कार्यालय र गृह मन्त्रालयका प्रवक्ता फेरिएका छन् । प्रधानमन्त्री तथा मन्त्रिपरिषद् कार्यालयमा प्रवक्ताको जिम्मेवारी सहसचिव कृष्ण बहादुर राउतलाई दिइएको छ भने गृह मन्त्रालयको प्रवक्ताको जिम्मेवारी सहसचिव फणिन्द्रमणी पोखरेललाई दिइएको हो ।

यसअघि प्रधानमन्त्री तथा मन्त्रिपरिषद्को कार्यालयका प्रवक्ताको जिम्मेवारीमा रहेका सहसचिव किरणराज शर्मा सचिवमा बढुवा भएपछि कार्यालयको पूर्वाधार विकास महाशाखा हेर्ने रावतलाई प्रवक्ताको जिम्मेवारी दिइएको हो ।

यस्तै यस अघि गृह मन्त्रालयमा प्रवक्ताको जिम्मेवारीमा रहेका सहसचिव जनकराज दाहाललाई कारागार व्यवस्थापन विभागको महानिर्देशकको जिम्मेवारी दिइएपछि विभागमा महानिर्देशकको जिम्मेवारीमा रहेका पोखरेललाई आन्तरिक काज सरुवा गरेर शान्ति सुरक्षा महाशाखाको प्रमुखसहित प्रवक्ताको जिम्मेवारी दिने निर्णय भएको हो ।

प्रतिक्रिया

Leave a Reply

Your email address will not be published. Required fields are marked *