विश्वभर कलाकारिता पेशा असुरक्षित बन्यो, राजनीतिमा आउने सोच छैन : राजेश हमाल – Nepal Press

विश्वभर कलाकारिता पेशा असुरक्षित बन्यो, राजनीतिमा आउने सोच छैन : राजेश हमाल

काठमाडौं । अभिनेता राजेश हमालले कलाकारिता असुरक्षित पेशा भएको बताएका छन् । हालैको एक टेलिभिजन अन्तर्वार्तामा उनले नेपालमात्र नभएर विश्वभर नै कालकारिता असुरक्षित पेशा भएको बताए ।

करियर बन्ने, लामो समयसम्म जीविकोपार्जन गर्न सक्ने कुनै सुनिश्चितता नभएको बताउँदै उनले पहिलो फिल्म हिट भएपनि दोस्रो दर्शकले रुचाइने कुरामा पनि सुनिश्चितता नहुने बताए ।

‘नेपालमा मात्र नभएर विश्वभर नै कलाकारिता पेशा असुरक्षित छ’ उनी भन्छन्, ‘कलाकारितामा लागेर सफलता हासिल हुन्छ र जीविकोपार्जन लामो समय गर्न सकिन्छ भन्ने कुरामा टुंगो छैन ।’

आफ्नो करियरमा पनि धेरैपटक यस्तै महसुस गरेको हमालले जनाएका छन् । ‘धेरै कलाकार भव्यताका साथ आउने । पहिलो फिल्म दर्शकले पनि रुचाउने, त्यसपछि दोस्रो फिल्म पनि कम रुचाउने, तेस्रो फिल्म नरुचाउने हुँदै हराएका छन्’ उनले भने ।

हमालले राजनीतिमा आउने सोच नरहेको पनि बताए ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर
नेपाल अपडेट ट्रेन्डिङ