निर्वाचन आयोगमा रेशम चौधरीको कविता- श्रीमान् न्याय देऊ, क्षमा चाहिँदैन – Nepal Press

निर्वाचन आयोगमा रेशम चौधरीको कविता- श्रीमान् न्याय देऊ, क्षमा चाहिँदैन

काठमाडौं । जनता समाजवादी पार्टी (जसपा) आधिकारिकता विवादमा सनाखत गर्न जेलबाट सीधै निर्वाचन आयोगमा पुगेका रेशमलाल चौधरी दुवै पक्षमा सनाखत नगरी तटस्थ बसेका छन् ।

पार्टीको न्यायका लागि आयोग पुगेका चौधरीले मत प्रयोग नगरे पनि कवितामार्फत आफ्ना पक्षमा भने न्याय मागे । आयोगबाट बाहिरिँदै गर्दा पत्रकारहरू सामूह चौधरीले सुनाएको कवितामा कठघरमा जति सत्य बोले पनि, न्यायका लागि जति गुहार मागे पनि न्याय नपाएको गुनासो गरेका छन् । र, उनले हात जोड्दै भने- न्याय, न्याय र न्याय ।

यस्तो छ चौधरीको कविता :

कठघरामा उभिएर जति सत्य बके पनि
न्याय पाउँ हजुर भन्दै संयौं पटक झुके पनि,

निरीह ठान्दा रै’छन् शीर निहुर्‍याएपछि
दोषी ठहर्‍याउँदा रहेछन् चुप लागेर बसेपछि

श्रीमान् न्याय देऊ हामीलाई क्षमा चाहिँदैन
दोषीलाई दण्ड देऊ तर निर्दोषीलाई थुन्न पाइँदैन

प्रतिक्रिया

Leave a Reply

Your email address will not be published. Required fields are marked *

सम्बन्धित खवर