भारत भ्रमणमा जाँदै अमेरिकी विदेशमन्त्री ब्लिंकेन : खोप, पेगासेस, क्वाड र आतंकवाद मुख्य एजेन्डा

दिल्ली । अमेरिकी विदेशमन्त्री एन्टोनी ब्लिंकेनले आगामी जुलाई २७ देखि भारत भ्रमण गर्ने भएका छन् । भारतीय समकक्षी जयशंकरसँग हुने भेटवार्तामा उनले पेगासेस प्रकरण र भारतमा मानवअधिकार अवस्थाबारे कुरा गर्ने जनाइएको छ ।

साथै, अफगानिस्तानबाट अमेरिकी सेना फिर्ता गरेसँगै उत्पन्न परिस्थिती र आतंकवादमाथि लगानी रोक्नेबारे पाकिस्तानलाई दबाब दिइराख्न समेत दुई नेताले छलफल गर्ने भएका छन् ।

दक्षिण तथा मध्य एसियाली मामिलाका उपसचिव डीन थेम्पसनले अफगानिस्तान र पाकिस्तान हुने मामिलाबारे पनि चर्चा हुनसक्छ । पेगासस जासूसी मामिला पनि भारत सरकारको भूमिकालाई लिएर अमेरिका चिन्तित छ । विदेशमन्त्री बनेपछि ब्लिंकनको यो पहिलो भारत भ्रमण हुनेछ । स्रोतका अनुसार वार्तामा दुई मुलुकबीचको व्यापार, लगानी, स्वास्थ्य सुविधा, शिक्षा, डिजिटल डोमेन, इनोभेसन र सुरक्षाजस्ता क्षेत्रमा पनि छलफल हुने जनाइएको छ ।

कोरोना खोप उत्पादनबारे दुबै नेताले क्वाड इनिसिएटिभबारे पनि उनीहरुले चर्चा गर्ने भएका छन् । वर्षको अन्त्यसम्म क्वाडका सदस्य मुलुकहरुबीच विदेशमन्त्री स्तरिय छलफल बोलाउनेबारे पनि चर्चा हुने जनाइएको छ । आगामी वर्षको सुरुवातदेखि भारतमा उत्पादित खोपलाई एसिया प्रशान्त क्षेत्रमा आपूर्ति गर्नेबारे पनि छलफल हुनेछ ।

भारतले यसअघि जापान, अमेरिका र अष्ट्रेलियासँग मिलेर खोप बनाउने घोषणा गरेको थियो । यो इनिसिएटिभलाई क्वाड नाम दिइएको छ ।