एमाले विभाजन रोक्न सांसदहरु सक्रिय, कार्यदलका नेतासँग आज छलफल – Nepal Press

एमाले विभाजन रोक्न सांसदहरु सक्रिय, कार्यदलका नेतासँग आज छलफल

काठमाडौं । नेकपा एमालेको आन्तरिक एकता कायम गर्न सक्रिय १० सदस्यीय कार्यदलका नेताहरुसँग आज एमालेका सांसदहरुले छलफल गर्ने भएका छन् । एमाले विभाजन हुन नदिन र पार्टीमा सुदृढ एकता कायम गर्न गठित सांसदहरुको अनौपचारिक फोरमले नेताहरुलाई दबाब दिइरहेको सांसद यज्ञराज सुनुवारले बताए ।

सिंहदरवारमा दिउँसो हुने छलफलमा कार्यदलका नेताहरु सबैलाई एकै ठाउँमा राखेर सांसदहरुले १० बुँदे सहमतिको बारेमा छलफल गर्न लागेका हुन् ।

सांसद तथा एमाले पर्वतका अध्यक्ष पदम गिरीले १० बुँदे सहमति मान्दिन भन्ने नेताहरुलाई कार्यदलले क्रस गरेर अघि बढ्न सक्छ कि सक्दैन भनेर आफूहरुले सोध्न खोजेको बताए ।

उनले भने, ‘कार्यदलले सर्वसम्मत रुपमा १० बुँदे सहमतिमा हस्ताक्षर गरेर अध्यक्ष केपी शर्मा ओली र वरिष्ठ नेता माधवकुमार नेपाललाई बुझायो । पार्टीले सहमति अनुमोदन पनि गरेको छ । अब त्यसका आधारमा पार्टीलाई एकताबद्ध बनाएर लैजान को बाधक बन्यो त ? यसबारेमा हामीले कार्यदलमा रहेका नेताहरुलाई सोध्न खोजेका हौं ।’

यसअघि लगातार दुई दिन एमालेका दुवै समुहका सांसदहरुले पार्टी एकताका लागि दबाब अभियान चलाएका थिए । ओली पक्षका कृष्णप्रसाद दाहाल,सूर्य पाठक,पदम गिरी,शान्ति पाख्रिन,यज्ञ बोगटी तथा माधव नेपाल पक्षका यज्ञराज सुनुवार, भपट रावल, जयकुमार राई, दीपकप्रकाश भट्ट लगायका सांसदले कार्यदलका नेताहरुसँग छलफल गर्ने निर्णय गरेका थिए ।

विघटित कार्यदलमा माधव नेपाल पक्षबाट भीम रावल, घनश्याम भुसाल, सुरेन्द्र पाण्डे, गोकर्ण विष्ट र रघुजी पन्त छन् भने ओली पक्षबाट सुवास नेम्वाङ, बिष्णु पौडेल, प्रदीप ज्ञवाली, शंकर पोखरेल र बिष्णु रिमाल छन् ।

कार्यदलमा पछिल्लो समय माधव नेपाल पक्षका भीम रावल पनि सक्रिय भएका थिए । दोस्रो तहका नेताहरुले अब पार्टी एकताबद्ध हुने कि नहुने भन्ने प्रष्ट पार्नुपर्ने सांसदहरुको मत छ ।

सांसदहरुले चलाएको एमालेको आन्तरिक एकता सुदृढीकरण अभियानको नेतृत्व गरिरहेका सांसद तथा केन्द्रीय सदस्य यज्ञराज सुनुवारले कार्यदलका दुवै तर्फका संयोजकहरु र अन्य नेताहरुसँग कुरा बुझ्ने र आफ्ना कुरा राख्ने गरी सांसदहरुलाई खबर गरिएको बताए ।


प्रतिक्रिया

2 thoughts on “एमाले विभाजन रोक्न सांसदहरु सक्रिय, कार्यदलका नेतासँग आज छलफल

  1. माधव नेपाललाई एमाले बनाउने कष्ट गरेर समय र सामर्थ्य खेर फाल्ने काम भइरहेको छ। यो खालको मूर्खता किन म अचम्ममा परेको छु। माधव नेपाल २०७३ सालदेखि नै रूपमा एमालेका नेता सारमा प्रचण्डका कार्यकर्ता भइसकेका थिए। तर एमालेजनहरूले माधवको रूप पक्षमात्र हेरेर अघि बढ्दा अहिले शेरबहादुर देउवालाई प्रम बनाउने मुख्य नेता बन्दा पनि अझै मिलाउने कुरा गरेर आत्मघात गर्दैछन्। माधवको नियत र व्यवहार दुवै बुर्जुवामुखी भइसक्यो। कुरो बुझेको खै?
    माधव नेपाललाई उनिहरूले किनी सके। मन्त्री बनाइदिने लोभ देखाएर २१ जनालाई भ्रममा मात्र पारेनन् उनीहरूको राजनीति पनि सखाप पारिदिए तरपनि माधवलाई आदर्श मानेर पछि पछि लाग्छन् भने राम राम भन्ने हो काँध थाप्ने होइन।

Leave a Reply to पुष्कर कडेल Cancel reply

Your email address will not be published. Required fields are marked *

सम्बन्धित खवर