बाढीमा बेपता दुई बालिकाको शव फेला – Nepal Press

बाढीमा बेपता दुई बालिकाको शव फेला

रूपन्देही । पाँच दिनअघि प्युठानको माडी नदीमा बगेर बेपत्ता भएका दुई बालिकाको शव फेला परेको छ ।

माडी नदीले बगाएको ठाउँबाट करिब ४० किलोमिटर तल सरूमारानी गाउँपालिका १ मा ७ बर्षिया सर्मिला थापाको शव फेलापरेको थियो भने अर्की ८ बर्षिया बिपना थापाको शव बगाएको ठाउँदेखि ७५ किलोमिटर तल दाङको गढहवा गाउँपालिकाको क्षेत्रमा स्थानीयले फेला पारेपछि प्रहरीलाई जानकारी दिएका थिए ।

बाख्रा हेर्न गएका ती बालिका बगाएको पाँच दिनपछि दुई बालिकाको शव भेटिएको हो । शवलाई फेला पारी आफन्तको जिम्मा लगाइएको प्युठानका प्रहरी प्रवक्ता देवीप्रसाद गैरेले जानकारी दिए ।

नदीको किनारमा बाख्रा चराईरहेका बेला माडी नदीको छेउँमा पौडी खेल्न झरेका प्युठानको सरुमारानी ४ निवासी बोमबहादुर थापाको ८ बर्षीय छोरी विपना थापा र सोही वडाको मान्द्रे निवासी नुमबहादुर थापाको ७ बर्षीय छोरी सर्मिला थापा माडी नदीमा बगेर वेपत्ता भएको पाँच दिनपछि फेला पारिएको जिल्ला प्रहरी कार्यालयका प्रहरी प्रमुख डीएसपी सुनिल मल्लले जानकारी दिएका छन् ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर