नगरकोटमा दयाहाङको गुरुपूर्णिमा : दशैंपछि नाटक घर खुलाउने बारे थाले छलफल – Nepal Press

नगरकोटमा दयाहाङको गुरुपूर्णिमा : दशैंपछि नाटक घर खुलाउने बारे थाले छलफल

काठमाडौं । सेलेव्रिटीले शनिबार आफ्नै ढंगले गुरुपूर्णिमा मनाएका छन् । कतिपयले सामाजिक संजालमा गुरुको फोटो पोस्ट गरेर मनाए भने कतिपयले भेला भएर ।

दयाहाङ राईसहितका मण्डला नाटक घरको समूहले भने नगरकोटमा भेला भएर गुरुपूर्णिमा मनाएको छ । दयाहाङसहित, बुद्धि गुरुङ, विजय बराल, नाजिर हुसेनसहितका कलाकार भेला भएर गुरुपूर्णिमा मनाए ।

नेपाल प्रेससँग कुरा गर्दै अभिनेता बरालले मण्डला नाटक घरको बैठक पनि बस्ने, गुरु पूर्णिमा पनि मनाउने र रिफ्रेस पनि हुने उद्देश्यले नगरकोटमा भेला भएको बताए ।

‘हामी भेला नभएको धेरै समय भयो । अब मण्डला नाटक घरलाई कसरी संचालन गर्ने भन्नेबारे छलफल गर्छौं’ बरालले भने, ‘अब दशैंपछि संचालन गर्ने तरिकाले छलफल गर्छौं ।’

गुरुको रुपमा दयाहाङ राईलाई गुरुपूर्णिमाको शुभकामना दिएको उनले बताए । कोरोना महामारी रोकथामका लागि लागू गरिएको निषेधाज्ञाको कारण अहिले नाटक र सिनेमा घरहरु बन्द छन् ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर