पल र मलिकाले अब फिल्ममा जोडी बाँध्ने, गोपिकृष्णको ‘पर्खि बसेँ २’मा लिड-कपल – Nepal Press

पल र मलिकाले अब फिल्ममा जोडी बाँध्ने, गोपिकृष्णको ‘पर्खि बसेँ २’मा लिड-कपल

काठमाडौं । पल शाह र मलिका महत पछिल्लो समय रुचाइएको स्क्रिन कपल हो । फुल बुट्टे सारी र टाढा भएपनिजस्ता हिट म्युजिक भिडियोमा स्क्रिन सेयर गरेको यो जोडीलाई ठूलो पर्दामा सँगै हेर्न दर्शकले चाहिरहेका छन् । पल र मलिका स्वयमले पनि दर्शकलाई पहिलेदेखि नै सँगै आउने बताइरहेका थिए ।

अब भने, यी दुईजनालाई पर्दामा सँगै हेर्न पाउने अवसर मिल्ने भएको छ । २०६५ सालमा व्यवसायिक हिट बनेको फिल्म पर्खि बसेँको दोस्रो सिक्वेलमा यी दुईजनालाई हेर्न पाइने भएको छ । अब पल र मलिकाले उक्त फिल्मको अघिल्लो जोडी राजवल्लभ कोइराला र युना उप्रेतीलाई रिप्लेस गर्ने भएका छन् ।

गोपीकृष्ण मुभिज र हिमालय फिल्मसले निर्माण गर्ने पर्खि बसेँ २ मा यी दुईजनालाई अनुबन्धित गर्ने तयारी भएको छ । फिल्ममा खेल्न दुबैजनाले मौखिक सहमति गरेको र केही दिनमा लिखित सम्झौता हुने जनाइएको छ । फिल्मलाई सौरभ चौधरीले निर्देशन गर्ने भएका छन् ।

म्युजिक भिडिओमा हिट भएपछि यी दुबैलाई कास्ट गर्न फिल्म हाउसहरुले अफर गरिरहेका थिए । उनीहरुले केन्द्र मोसन पिक्चर्ससँग ६ महीना म्युजिक भिडिओ र फिल्म गर्नको लागि सहमति गरेको पनि चर्चा भएको थियो । हेरौं, म्युजिक भिडिओको चर्चित जोडीले फिल्मको पर्दामा आफूलाई स्थापित गर्लान् वा नगर्लान् ?

स्रोतका अनुसार यो फिल्म कोरोना महामारीको अवस्था सामान्य भए छायांकनमा जाने तयारीमा छ ।


प्रतिक्रिया

Leave a Reply

Your email address will not be published. Required fields are marked *