बहिर्गमित जनमुक्ति सेनाले भेटे प्रधानमन्त्री देउवा

काठमाडौं । बहिर्गमित जनमुक्ति सेना नेपालले प्रधानमन्त्री शेरबहादुर देउवासँग भेटवार्ता गरेको छ।

संगठनका पदाधिकारी र देउवाबीच बिहीबार बिहान प्रधानमन्त्री निवास बालुवाटारमा भेटघाट भएको र उक्त भेटमा आफूहरुले उठाउँदै आएको मुद्दाको विषयमा छलफल भएको अध्यक्ष रमेश बसेलले जानकारी दिए।

‘आशा गरौं छलफलले सार्थकता पाउने छ,’ उनले भने, ‘ बाँकी समयको प्रतीक्षमा छ।’ यसअघि अर्थमन्त्री जनार्दन शर्मा ‘प्रभाकर’सँग पनि बहिर्गमित जनमुक्ति सेनाका पदाधिकारीले १ साउनमा छलफल गरेका थिए।

अर्थमन्त्रीसँग केपी ओली नेतृत्वको सरकारले शुरु गरेको लोकतन्त्रका योद्धा सम्मान कार्यक्रमको निरन्तरता र द्वन्द्वपीडितका परिवारलाई स्वरोजगार बनाउने कार्यक्रमबारे छलफल भएको थियो।