अन्तरीक्षमा जेफ बेजोसको १० मिनेट (भिडियो र तस्विर)

न्यूयोर्क । आफैले बनाएको रकेट न्यू सेपहर्डमा चढेर अर्वपति जेफ बेजोस्ले मंगलबार अन्तरीक्षको यात्रा गरेका छन् । आफ्न भाइ मार्क बेजोस, ८२ वर्षिय वाली फंक र १८ वर्षे स्कुल विद्यार्थीसँगै बेजोस अन्तरीक्षमा पुगेका थिए ।

१० मिनेट अन्तरीक्षमा रहेर उनीहरुले त्यहाँबाट देखिने पृथ्वीको अद्भूत दृश्यावलोकन गरे । १० मिनेट र १० सेकेन्ड अन्तरीक्षमा बिताएका उनीहरु त्यसपछि कुशलतापूर्वक पृथ्वीमा फर्किए ।

Jeff Bezos launches into space alongside 82-year-old space race pioneer Wally Funk, and an 18-year-old student https://t.co/geC7IlSX4Q pic.twitter.com/IBP2zmHaf3

— BBC News (World) (@BBCWorld) July 21, 2021

पृथ्वीमा अवतरण गरेपछि बेजोसको प्रतिक्रिया थियो : अहिलेसम्मकै उत्कृष्ट दिन ।

अन्तरीक्ष पर्यटनको उद्देश्यले बनाइएको रकेट न्यू सेपहर्डलाई बेजोसको कम्पनी ब्लू ओरिजिनले निर्माण गरेको हो ।

तर, अर्वपतिहरुको अन्तरीक्षा दौडाहालाई लिएर बेजोस र उनको सहयात्रीहरुको आलोचना पनि हुने गरेको छ । अन्तरीक्ष पर्यटनमा पैसा खर्च गर्नुको सट्टा जलवायु परिवर्तनमा खर्च गर्न उनीहरुको सुझाव छ ।

तर, बेजोसले चाहिँ आफूसँग वातावरण जोगाउन योजना रहेको बताएका छन् । ‘हामीले प्रदूषणदेखि सबै कुराहरुलाई अन्तरीक्षमा लागेर पृथ्वीलाई एउटा सुन्दर थलो बनाउनुपर्छ’ अमेरिकी मिडिया एमएसएनबीसीसँग बेजोसले भने ।