एमालेका बैठक सकियो, कारवाहीबारे निर्णय भएन – Nepal Press

एमालेका बैठक सकियो, कारवाहीबारे निर्णय भएन

काठमाडौं । नेकपा एमालेको केन्द्रिय कमिटीको दोस्रो दिनको बैठक सकिएको छ । बैठकले १० बुँदे सहमतिलाई कार्यान्वयन गर्दै एकताका निम्ति निरन्तर प्रयास गर्ने निर्णय गरेको प्रवक्ता प्रदिप ज्ञवालीले बताए ।

हिजोको बैठकले शेरबहादुर देउवाको पक्षमा भोट हाल्ने २२ जना सांसदलाई स्पष्टीकरण सोधेको थियो । उनीहरुले स्पष्टीकरणको जवाफ नदिए पनि कारवाही गर्ने विषयमा कुनै निर्णय गरेको छैन ।

ज्ञवालीका अनुसार आजको बैठकमा विभिन्न प्रदेशको प्रतिनिधित्व गर्ने नेताहरुले पार्टीको दिशा र भविष्यका विषयमा रिपोर्ट पेश गरेका थिए ।

२४ घन्टे स्पष्टीकरणको जवाफ नदिएको विषयमा पत्रकारले प्रश्न गर्दा ज्ञवालीले २४ घन्टा पूरा नभएको भन्दै पन्छाए । सांसदहरुले स्पष्टीकरणको पत्र पाएको २४ घन्टासम्म पर्खिने उनको भनाइ थियो । पत्र अहिलेसम्म नपाएको विषयमा उनले भने, ‘पुग्दै होला ।’ बैठक बुधबार ३ बजे बस्ने गरी सकिएको छ।

प्रतिक्रिया

Leave a Reply

Your email address will not be published. Required fields are marked *