एनआरएनए मलेसियाको अध्यक्षमा थापा निर्विरोध निर्वाचित – Nepal Press

एनआरएनए मलेसियाको अध्यक्षमा थापा निर्विरोध निर्वाचित

क्वालालाम्पुर । गैरआवासिय नेपाली संघ मलेसियाको अध्यक्षमा विनोदवहादुर थापा निर्विरोध निर्वाचित भएका छन् । महासचिवमा रन्जितकुमार क्षेत्री, सचिवमा रोशन सुब्बा, नारायण अधिकारी र कोषाध्यक्ष कृष्ण नेपाल, युवा संयोजकमा अरुण गिरि निर्विरोध भएका छन् ।

उनीहरु सहमतीमै निर्विरोध भएका हुन् । सदस्यमा वीरेन्द्र कार्की, बिष्णुप्रसाद बराल, सन्तोष कार्की, श्यामबहादुर श्रेष्ठ, टेकबहादुर अधिकारी, पासाङ लामा निर्विरोध भएका छन् । आईसीसी सदस्यहरु तथा उपाध्यक्षमा मात्र सहमतिको प्रयास हुन बाँकी छ ।

सहमतिको लागि प्रयास भैरहेको जनाइएको छ । अहिलेसम्म मलेसियामा एनआरएनको चुनाव भएको छैन । मलेसिया एनआरएनले निर्विरोध भएको पत्र केन्द्रमा पठाएपछि मात्र यसले वैधानिकता पाउने छ ।

मलेसियामा हाल ५२५९ जना पन्जीकृत सदस्यहरु छन् । यो मलेसियाको एनआरएनको इतिहासमै सवैभन्दा धेरै हो ।

थापाको काँधमा अव सबै एनआरएनलाई मिलाएर लैजानु, एनआरएनलाई मजदूरमुखी बनाउनु र दूतावाससँग समन्वय गर्दे नेपाली मजदूरका मुद्दालाई उठाउनुका साथै नेपालका लगानीको वातावरण मिलाउनुसम्मको चुनौती थपिएको छ ।

प्रतिक्रिया

Leave a Reply

Your email address will not be published. Required fields are marked *