जोन्सन एन्ड जोन्सन र जापानको अस्ट्राजेनेकालाई नेपालमा आपतकालिन प्रयोगको अनुमति – Nepal Press

जोन्सन एन्ड जोन्सन र जापानको अस्ट्राजेनेकालाई नेपालमा आपतकालिन प्रयोगको अनुमति

काठमाडौं । औषधि व्यवस्था विभागले जोन्सन एन्ड जोन्सन र अस्ट्राजेनेका खोपलाई आपतकालिन प्रयोगको लागि अनुमति दिएको छ । विभागले सोमबार सूचना जारी गर्दै गत असार १५ र १६ गते अनुमति दिएको जनाएको छ ।

कोभ्याक्स संयन्त्रमार्फत १५ लाख ३४ हजार जोन्सन एन्ड जोन्सन खोप गतसाता आइपुगेको छ र सोमबारदेखि लगाउन पनि सुरु भएको छ । जापानले दिने भनेको १६ लाख डोज अस्ट्राजेनेका खोप केही सातामै आउने तयारीमा छ ।

जापानबाट आउने अस्ट्राजेनेका खोप यसअघि कोभिसिल्ड खोप लगाइसकेका ६५ वर्षमाथिको उमेरका १३ लाख ६८ हजारभन्दा बढीलाई लगाउने तयारी भएको छ ।

विभागले यसअघि यी दुई खोपलाई आपतकालिन प्रयोगको अनुमति दिइएको बारे केही पनि खुलाएको थिएन । लगाउने दिन घोषणा हुँदा समेत अनलाइनमा सूचना सार्वजनिक नभएपछि विभागले सूचना नै प्रकाशित गरेको हो ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर